غرفه الوطن العربي

أهلا بك بمنتدى غرفه الوطن العربي

غرفه الوطن العربي لكل العرب من المحيط الى الخليج

المعارض الدولية

المواضيع الأخيرة

»  عشقت مكان يجمعنا
السبت نوفمبر 02, 2013 11:18 pm من طرف بنفسجيه

» للبيع: 2011 LEXUS LX570 - $17,000 USD
السبت مايو 11, 2013 4:21 am من طرف محركالسيارة

» للبيع: 2011 LEXUS LX570 - $17,000 USD
السبت مايو 11, 2013 4:14 am من طرف محركالسيارة

»  “الحرب الأهلية في سوريا تواجه طريقا مسدودا”
الأحد ديسمبر 23, 2012 12:57 pm من طرف الشامي

» الرومانسية المفقودة...
السبت ديسمبر 22, 2012 8:45 pm من طرف الشامي

»  ما الذي يدفع الزوج للهروب إلى أخرى؟!
السبت ديسمبر 22, 2012 8:26 pm من طرف الشامي

» ايران تقول صواريخ حلف شمال الاطلسي تضر بامن تركيا
السبت ديسمبر 22, 2012 8:15 pm من طرف الشامي

» الأسد قلق ولا ينام في بيته.. ونظامه هرب إلى الساحل
الجمعة ديسمبر 21, 2012 10:07 pm من طرف الشامي

» تجمع أنصار الإسلام يتوعد بهجمات قريبا في دمشق
الجمعة ديسمبر 21, 2012 8:29 am من طرف الشامي

عداد الزوار


    ايه الحكايه يا وطن .....؟؟!

    شاطر

    الشامي
    من فريق العمل
    من فريق العمل

    عدد المساهمات : 5919
    نقاط : 17934
    37
    تاريخ التسجيل : 30/03/2009
    الموقع : http://arabianhome.watanearaby.com

    ايه الحكايه يا وطن .....؟؟!

    مُساهمة من طرف الشامي في الأحد نوفمبر 14, 2010 1:43 pm


    الكاتب عماد رشاد صديق من مصر

    ___________________________________


    إيه الحكاية يا وطن.................؟
    بيني وبينك خطوتين
    : ما تقولي فينك؟
    طول عمري شايلك في العيون
    الله يعينك
    أنا نفسي أقولك كلمتين
    بيني وبينك
    فينك يا شعب
    وفين تاريخك يا وطن
    ضاع من سنين
    فين اللي كنا بندرسه
    وف كل صبح نردده
    مش باقي منه صفحتين
    فين التاريخ اللي انكتب
    وقرينا عنه في الكتب
    في المدرسة
    مش باقي منه حصتين
    ما فضلش في كتاب الوطن
    غير الأنين
    كل السطور الحلوة
    راحت يا وطن
    حتى الكلام اللي أتولد
    ما فضلش منه كلمتين
    حتى الشعور اللي اتخلق
    يوم النصر
    ساعة الضهر
    مش باقي منه حبتين
    حتى النشيد اللي اتعزف
    لحنه اللي كان بيهزنا
    وف كل حارة يلمنا
    قوم قلنا
    وديت كتاب النصر فين؟؟؟
    قوم قلنا
    دانت اللي ساري ف دمنا
    وف كل ثانية ف حلمنا
    وديت ليالي الفرح وين؟؟
    قوم قلنا
    إيه اللي باقي ف فرحنا
    إيه اللي خلى الطير ما يعرف عشنا
    والبسمة غابت عنّنا
    والدمعة ماتت في العنين
    إيه الحكاية يا وطن
    مين غيرك
    مين اللي واقف ع الخريطة يبعثرك
    ما تقولي مين؟؟
    فاكر سؤال في المدرسة
    بتحب مين؟
    قلت الوطن
    علل ووضح يا ولد؟
    قلت الحضارة والزمن
    وقف المعلم وانتفض
    ويقول منين
    إيه الحكاية يا وطن
    دانت الملاك
    ولا كنا نعرف في الزمن دا غير سواك
    كنا بنسمع كلنا
    صرخة طويلة
    "مين هناك"
    ويلف عمي الشيخ صلاح
    شيخ الخفر
    يرسم على جبين الصباح
    ويقول فداك
    هنقول لمين ونعيد لمين
    إيه الحكاية يا وطن
    وليه بتهرب م السؤال
    ليه البداية
    واقفة في شباك المحال
    ليه الدموع بتهزنا
    ونقول محال
    دانت الإجابة والسؤال
    قوم قلنا
    دانت اللي ساري في دمنا
    دانت اللي باقي ف حلمنا
    والله يعين
    بيني وبينك خطوتين
    سامع كلامك
    بيني وبينك يا وطن
    مش قادر انسى يوم غيابك
    كنا بنحلم والأمل
    نمشي ف ترابك
    قوم قلنا
    دانت اللي واخد عقلنا
    وف كل صفحة ف جرحنا
    إيه اللي صابك
    إيه اللي خلى الحلم يهرب
    والنجوم تايهه ف ضبابك
    دوختني.....
    ما تقول خلاص
    عذبتني.....
    فين الخلاص
    أنا لسه واقف عند بابك
    عذبتني
    ما تقولي
    إيه معنى السكوت؟
    ليه الأسى مكتوب عليك
    والفقر ساكن فوق سحابك
    عذبتني
    ما تقولي ايه خلاك تموت
    ليه الكفن مكتوب عليه
    اسمك ومختوم بانتحابك
    ليه الجنازة عند بابك كل يوم
    ليه الغلابة عند نيلك يعطشوا
    والنيل بيجري كل يوم
    عذبتني
    ما تقولي إيه خلاك تعوم
    وتروح تقوم تشقى بسرابك
    قوم قلنا
    دانت الليلادي ف حضننا
    ولا عمرنا ننساك يا غالي
    عمرنا
    ويمر طيفك عندنا
    وتقوم شوارعنا القديمة تضمنا
    وتقول وطن
    ونطوف نردد في المدينة
    يا وطن
    ونقول فداك
    دانت الملاك
    والكل يهتف يا وطنا
    "مين هناك"

      الوقت/التاريخ الآن هو الإثنين يناير 22, 2018 11:10 am